ក្លឹប Atletico Madrid បានធ្វើការប្រកាសជាផ្លូវការនាំយកបាន ខ្សែការពារវ័យ២៤ឆ្នាំ Nahuel Molina ពីក្លឹបអ៊ីតាលី Udinese កាលពីម្សិលមិញ។ គួរបញ្ជាក់ថាខ្សែការពារវ័យ២៤ឆ្នាំរូបនេះ បានចុះកុងត្រាយៈពេល៥ឆ្នាំ ជាមួយ Atletico Madrid ដោយនឹងចប់កុងត្រានៅថ្ងៃទី៣០ ខែមិថុនា ឆ្នាំ២០២៧ខាងមុខ។
Molina បានចាប់អាជីពជាកីឡាករក្រុមឈុតធំអស់រយៈពេល៦ឆ្នាំហើយ ចាប់ពីឆ្នាំ២០១៦មក ដោយចាប់ផ្ដើមនៅក្លឹប Boca Juniors លីគអាហ្សង់ទីន រួចក៏ផ្លាស់ទៅលេងនៅក្លឹប Defensa y Justicia បន្ទាប់មកក៏ទៅលេងនៅក្លឹប Rosario Central លុះនៅឆ្នាំ២០២០ គេផ្លាស់មក Serie A ដោយលេងឲ្យ Udinese ដោយចូលរួមលេងបាន ៦៨ប្រកួត និងស៊ុតចូល១០គ្រាប់៕
ប្រភព ៖ BBC Sport
