ខ្សែប្រយុទ្ធសញ្ជាតិសេណេហ្គាល់ Sadio Mane បានឈ្នះពានកីឡាករឆ្នើមអាហ្រ្វិកប្រចាំឆ្នាំជាលើកទីពីរ ក្នុងកម្មវិធីដែលរៀបចំដោយសហព័ន្ធទ្វីបអាហ្រ្វិកក្នុងទីក្រុង Rabat ប្រទេសម៉ារ៉ុក។
Mane បានជួយជម្រើសជាតិសេណេហ្គាល់យកឈ្នះអេហ្ស៊ីបដោយបាល់ប៉េណាល់ទីលើកពាន Africa Cup of Nations ជាលើកដំបូងនិងបានជួយអោយ Liverpool លើកពាន២គឺ FA Cup និង League Cup។ខ្សែប្រយុទ្ធវ័យ៣០ឆ្នាំបានឈ្នះពាន African Footballer of the Year ក្រោយវ៉ាដាច់ពិន្ទុអ្នកចាំទីរបស់ Chelsea កីឡាករ Edouard Mendy និងអតីតមិត្តរួមក្រុមនៅហង្សក្រហម Salah។ គួរបញ្ជាក់ផងដែរថា Mane ឈ្នះពានកីឡាករឆ្នើមប្រចាំអាហ្រ្វិកចុងក្រោយកាលពីឆ្នាំ២០១៩ ហើយកាលនោះ Salah ក៏បានត្រឹមលេខ២ដូចពេលនេះដែរ។ មានតែ Samuel Eto’o និង Yaya Toure ជាកីឡាករតែពីរនាក់គត់ធ្លាប់ឈ្នះពានរង្វាន់នេះ៤ដងដូចគ្នា៕
ប្រភព៖ Sky Sport
