ក្លឹបបិសាចក្រហម Manchester United បានបញ្ជាក់ថា ក្លឹបយល់ព្រមជាមួយ Ajax លើកិច្ចព្រមព្រៀងតម្លៃខ្លួន៥៥,៣លានផោនសម្រាប់ខ្សែការពារកណ្ដាល Lisandro Martinez។
គួរបញ្ជាក់ថាខ្សែការពារវ័យ២៤ឆ្នាំសញ្ជាតិអាហ្សង់ទីនដែលបានហោះកាន់ប្រទេសអង់គ្លេសកាលពីថ្ងៃសុក្រដើម្បីបំពេញការផ្ទេរនៅត្រូវការពិនិត្យសុខភាពនិងទទួលបានទិដ្ឋាការ។ យ៉ាងណាមិញ United រំពឹងថា នឹងមិនមានបញ្ហាអ្វីឡើយ ហើយការផ្ទេរជាផ្លូវការនឹងបញ្ចប់ក្នុងពេលឆាប់ៗខាងមុខ។ ជាមួយហ្នឹងតម្លៃខ្លួន៥៥,៣លានផោននឹងធ្វើឲ្យ Martinez ក្លាយជាខ្សែការពារមានតម្លៃខ្លួនថ្លៃបំផុតលំដាប់ទីពីរនៅ United បន្ទាប់ពី Harry Maguire៕
ប្រភព៖ Sky Sport
