ខ្សែប្រយុទ្ធឆ្នើម Cristiano Ronaldo អាចនិងចាកចេញពីបិសាចក្រហម Manchester United នារដូវក្តៅខាងមុខនេះ ស្របពេលដែលក្លឹបជាច្រើនកំពុងចាប់អារម្មណ៏លើរូបគេ ។ អនាគតរបស់ខ្សែប្រយុទ្ធវ័យ ៣៧ឆ្នាំរូបនេះហាក់នៅមានភាពស្រពេចស្រពិលនៅឡើយ បន្ទាប់ពីទម្រង់លេងរបស់ Manutd នាពេលបច្ចុប្បន្នមានការធ្លាក់ចុះ ។
ភ្នាក់ងាររបស់គេលោក Jorge Mendes បានទាក់ទងទៅកាន់ថ្នាក់លើរបស់បិសាចក្រហមទាក់ទងនិងទម្រង់លេងនាពេលបច្ចុប្បន្ន បន្ទាប់ពីធ្លាក់ចេញពីពានរង្វាន់ FA Cup កាលពីសប្តាហ៏កន្លងទៅ ។ ខ្សែប្រយុទ្ធសញ្ជាតិព័រទុយកាល់រូបនេះមិនសប្បាយចិត្តនិងទម្រង់លេងនាពេលបច្ចុប្បន្ន គួបផ្សំនិងអាកប្បកិរិយារបស់កីឡាករមួយចំនួនតូចនៅក្នុងក្រុម ។
គួរបញ្ជាក់ថា ក្លឹបធំៗដូចជា Paris St Germain, Bayern Munich និង Roma កំពុងតាមឃ្លាំមើលខ្សែប្រយុទ្ធ ដើម្បីត្រៀមខ្លួនសម្រាប់ទីផ្សារដោះដូរកីឡាករនារដូវក្តៅខាងមុខ ៕
ប្រភព : The Sun
