Alan Smith អតីតខ្សែប្រយុទ្ធកាំភ្លើងធំ Arsenal ជឿជាក់ថាអតីតក្រុមរបស់ខ្លួននិងជាប់ Top-4 ក្នុងក្របខ័ណ្ឌ Premier League ។ លោកលើកឡើងបែបនេះបន្ទាប់ពី Arsenal មិនបានចុះកុងត្រានាំយកកីឡាកររូបណាឡើយកំឡុងពេលទីផ្សារដោះដូរកីឡាករនាខែមករានេះ ។
Arsenal ទើបតែបានផ្ទេរខ្សែប្រយុទ្ធវ័យ ៣២ឆ្នាំ Pierre-Emerick Aubameyang ក្នុងលក្ខខ័ណ្ឌខ្ចីជើងទៅកាន់ក្លឹប Barcelona ។
គួរបញ្ជាក់ថាក្រោមការដឹកនាំរបស់អ្នកចាត់ការទូទៅ Mikel Arteta ក្លឹប Arsenal កំពុងឈរលេខ ៦ មាន ៣៦ពិន្ទុដោយមានគម្លាតពីក្រុមបិសាចក្រហម Manchester United តែ ២ពិន្ទុប៉ុណ្ណោះ ដែលបច្ចុប្បន្នកំពុងឈរលេខ៤ មាន ៣៨ ពិន្ទុ ៕
ប្រភព : Sky Sport
