ខ្សែប្រយុទ្ធជើងចាស់ Cristiano Ronaldo នឹងត្រូវកាត់ប្រាក់ពលកម្ម ប្រសិនបើក្លឹបបិសាចក្រហម Manchester United មិនអាចចូលរួមប្រកួតពានរង្វាន់ UEFA Champions League នៅរដូវកាលក្រោយ។
ប្រសិនបើចាប់ពីពេលនេះ រហូតដល់ប្រកួត Premier League នៅរដូវកាលនេះ ក្លឹប Man Utd មិនមានលទ្ធភាពក្នុងការយក Top 4 ក្នុងប្រកួតក្របខ័ណ្ឌនេះបានទេនោះ Ronaldo នឹងត្រូវកាត់ប្រាក់ពលកម្ម ២៥%។
នៅខណៈនេះ Ronaldo ទទួលបានប្រាក់ពលកម្មជិតប្រមាណជាង ៥២ម៉ឺនដុល្លារ ក្នុង១សប្ដាហ៍ ដូច្នេះបើកាត់ ២៥% នឹងសល់ត្រឹមប្រហែល ៣៩ម៉ឺនដុល្លារក្នុង១សប្ដាហ៍ប៉ុណ្ណោះ។
បើតាមប្រភពជាច្រើនបានឲ្យដឹង Ronaldo អត់សប្បាយនឹងស្ថានភាពនៅ Man Utd នៅក្នុងពេលនេះទេ ដោយគេនឹងជួបជាមួយ លោក Richard Arnold នាយកប្រតិបត្តិថ្មីក្លឹបនេះ ពិភាក្សាពីអនាគតរបស់គេនៅក្លឹបនេះ៕
ប្រភព: BBC Sport
