អបអរសាទរដល់!!! ក្លឹបសេ្តចស Real Madrid បានឡើងទៅវគ្គបន្តក្នុងពានរង្វាន់ Copa del Rey បន្ទាប់ពីបានយកឈ្នះក្រុម Elche យ៉ាងប្រផឹតប្រផើយក្នុងលទ្ធផល ២-១ នៅម៉ោងបន្ថែម១៥ នាទីពីរដង ។ គួរបញ្ជាក់ថា Real Madrid សល់បានត្រឹម១០នាក់តែប៉ុណ្ណោះខណះនៅនាទី ១០២ ខ្សែរការពារចាស់វស្សារសញ្ជាតិប្រេស៊ីល Marcelo បានបង្កើតកំហុសដែលធ្វើអោយគេបានកាតក្រហមបណ្តេញចេញពីទីលាន។
ក្លឹប Elche បានធ្វើការនាំមុខនៅនាទី ១០៣ តែបានត្រឹមតែ៥នាទីប៉ុណ្ណោះក្លឹបស្តេចស Real Madrid បានធ្វើការវាយបកតាមស្មើរដោយខ្សែរបម្រើប្រយុទ្ធសញ្ជាតិអេស្ប៉ាញ Isco នៅនាទី១០៨ និងគ្រាប់បាល់យកឈ្នះដោយខ្សែប្រយុទ្ធសញ្ជាតិប៊ែលហ្សិក Eden Hazard នៅនាទី១១៥។ ជ័យជំនះកាលពីយប់មិញធ្វើអោយក្លឹបស្តេចសឡើងដល់វគ្គ ៨ក្រុមចុងក្រោយក្នុងពានរង្វាន់ Copa del Rey៕
ប្រភព: Sky Sports
