ជម្លោះរវាងខ្សែការពាររបស់ Marseille កីឡាករ Alvaro Gonzales និង Neymar បានបន្តកាលពីយប់ថ្ងៃពុធ ដោយពួកគេបានបង្ហោះសារឌឺដងគ្នាតាមបណ្ដាញសង្គម Twitter។
/5fffc4dab717e_1610597580_large.jpg)
អ្នកចាត់ការថ្មីរបស់ PSG លោក Mauricio Pochettino បានស្គាល់រសជាតិលើកពានជាលើកដំបូងក្នុងអាជីព បន្ទាប់ជួយក្រុមយកឈ្នះលើ Marseille ២-១ ក្នុងពានរង្វាន់ Trophee des Champions។
Neymar និង Gonzales ធ្លាប់មានប្រវត្តិឈ្លោះគ្នាក្នុងការប្រកួតកាលពីខែ កញ្ញា ឆ្នាំមុន ពេលដែល Marseille ឈ្នះ PSG ១-០ ។ នៅពេលនោះ Neymar ត្រូវអាជ្ញាកណ្ដាលបណ្ដេញចេញពីទីលាន ក្រោយទះក្បាលរបស់ Gonzales។ បន្ទាប់ពីចប់ការប្រកួត Neymar បានបង្ហោះសារថា៖ “ស្ដាយណាស់ដែលមិនបានម៉ាត់កណ្ដាលមុខ Gonzales”។ ភ្លាមនោះ Gonzales ក៏បានតបវិញឲ្យកីឡាករសញ្ជាតិប្រេស៊ីលចេះទទួលយកការចាញ់។
/5fffc4db5225e_1610597580_large.jpg)
Neymar និង Gonzales បានជួបមុខគ្នាម្ដងទៀតក្នុងការប្រកួតយប់មិញ ដោយលើកនេះ PSG ជាអ្នកឈ្នះម្ដង។ ចប់ការប្រកួតភ្លាមអតីតកីឡាកររបស់ Barcelona បានបង្ហោះសារឌឺដាក់ Gonzales ភ្លែត។ Gonzales ក៏មិនចាំយូរក៏បានឆ្លើយទៅវិញថា៖ “ម្ដាយឪពុករបស់ខ្ញុំតែងតែបង្រៀនខ្ញុំថាកុំខ្វល់ពីសំរាមអត់បានការ”៕
