គ្រូរបស់ព័រទុយហ្គាល់លោក Fernando Santos បាននិយាយថា វាគឺជាថ្ងៃយំឈឺចាប់សម្រាប់ជាតិ ប៉ុន្តែក្រុមរបស់លោកត្រូវតែបង្ហាញកម្លាំងចិត្តប្រយុទ្ធបែបនេះដដែល បន្ទាប់ពីចាញ់អាល្លឺម៉ង់៤-២
Ronaldo បានជួយព័រទុយហ្គាល់នាំមុខ ប៉ុន្តែការធ្វើឲ្យចូលទីខ្លួនឯងរបស់ Ruben Dias និង Raphael Guerriero បាននាំអាល្លឺម៉ងនាំមុខវិញ ២-១។ ចូលតង់ទីពីរ គ្រាប់បាល់របស់ Kai Havertz និង Robin Gosens បានជួយឲ្យអាល្លឺម៉ង់ឈ្នះ ត្បិត Diego Jota រកបានមួយគ្រាប់ទៀតឲ្យព័រទុយហ្គាល់ក៏ដោយ។
ក្រោយពីបញ្ចប់ការប្រកួតលោក Santo បាននិយាយថា លោកពិតជាមានមោទកភាពសម្រាប់ការខំប្រឹងប្រែងនៃក្រុមរបស់លោកដែលប្រយុទ្ធដល់ទីបញ្ចប់ ត្បិតខកចិត្តចំពោះការបរាជ័យ។ វាគឺជាថ្ងៃសម្រក់ទឹកភ្នែក ប៉ុន្តែប្រកួតក្រោយទល់នឹងបារាំង ព័រទុយហ្គាល់នឹងនៅតែប្រើស្មារតីប្រយុទ្ធបែបនេះដដែល៕
