អតីតគ្រូបង្វឹកឆ្នើមរបស់បិសាចក្រហម Manchester United លោក Sir Alex Ferguson ត្រូវបានគេរាយការណ៍ថាបានត្រឡប់មកកាន់តំណែងធំមួយនៅអតីតក្លឹបចាស់ខ្លួនវិញ ។
យោងតាមរបាយការណ៍របស់សារព័ត៍មាន Daily Mail បានបង្ហាញឱ្យដឹងថា នាយកប្រតិបត្តិរបស់ក្លឹប Manchester United លោក Richard Arnold បានតែងតាំងលោក Sir Alex នៅក្នុងតួនាទីជាផ្លូវការមួយ ជាមួយនឹងការប្រើប្រាស់បទពិសោធ ដែលលោកមាន ដើម្បីផ្តល់ការប្រឹក្សា សម្រាប់ក្លឹប។
គួរបញ្ជាក់ថាលោក Arnold ក៏បានបង្កើតក្រុមការងារមួយប្រមូលផ្តុំដោយអ្នកមានសមត្ថភាព ដូចជាលោក Ferguson ផ្ទាល់រួមទាំងអតីតប្រធានក្រុមលោក Bryan Robson និងនាយកផ្នែកកីឡាករបច្ចុប្បន្នលោក John Mutough ដើម្បីជួយគាត់ ក្នុងការគ្រាប់គ្រងលើគ្រប់ផ្នែកទាំងអស់ នៅក្នុងក្លឹប ៕
ប្រភព៖ Dailymail
