ក្លឹបយក្សអាឡឺម៉ង់ Bayern Munich ត្រូវបានរាយការណ៍ថា យល់ព្រមលើកិច្ចព្រមព្រៀងតម្លៃខ្លួន៦៨លានផោនសម្រាប់ខ្សែការពាររបស់ Juventus កីឡាករ Matthijs de Ligt ដែលការផ្ទេររំពឹងនឹងបញ្ចប់នៅប៉ុន្មានថ្ងៃខាងមុខ ។
ក្លឹបយក្សនៅ Bundesliga ត្រូវបានគេដឹងថាបានយល់ព្រមផ្ដល់កុងត្រារយៈពេល៥ឆ្នាំជាមួយ De Ligt ដែលធ្វើឲ្យខ្សែការពារសញ្ជាតិហុល្លង់រូបនេះនៅ Munich ដល់ឆ្នាំ២០២៧។ ក្រៅពី Bayern ក្លឹបនៅអង់គ្លេស Chelsea ក៏មានចំណាប់អារម្មណ៍ចង់បាន De Ligt ដូចគ្នា។ គួរបញ្ជាក់ថាកីឡាករវ័យ២២ឆ្នាំបានបង្ហាញខ្លួនបាន១១៧ប្រកួតឲ្យក្រុមសេះបង្កង់ និងរកបាន៨គ្រាប់ក្នុងរយៈពេល៣រដូវកាល។ ការមកដល់របស់ De Ligt នឹងជំនួសកន្លែងរបស់ Niklas Sule ដែលចាកចេញទៅកាន់ Dortmund៕
ប្រភព៖ BBC Sport
