ខ្សែប្រយុទ្ធសញ្ជាតិប៊ែលហ្សិក Romelu Lukaku បាននិយាយក្នុងកម្មវិធីប្រកាសអាវថ្មីរបស់ Inter Milan សម្រាប់រដូវកាលឆ្នាំ២០២២/២៣ថា ការចាកចេញទៅកាន់ Chelsea សារជាថ្មីចោលក្លឹប Inter Milan ជាកំហុសរបស់គេ។
Lukaku បាននិយាយថា៖" ឧបសគ្គដ៏ធំរបស់ខ្ញុំនៅក្នុងអាជីពនេះគឺនៅក្នុងរដូវកាលថ្មីនៅនេះហើយ។ ខ្ញុំធ្លាប់បានចាកចេញចោលទីនេះ ជាកំហុសឆ្គងរបស់ខ្ញុំ។ ឥឡូវនេះគឺខ្ញុំសប្បាយចិត្តវិញហើយដែលបានមកពាក់អាវនេះវិញ ព្រោះក្រុមនេះដឹងថាយើងត្រូវការអ្វី ក្នុងរដូវកាលថ្មីនេះនឹងជួបឧបសគ្គផ្សេងៗ ហើយនេះក៏ជាអ្វីដែលយើងនឹងបន្តរហូតផងដែរ "។ គួរបញ្ជាក់ថាសម្រាប់រដូវកាលថ្មីនេះ Lukaku ចេញពី Chelsea ទៅលេងឲ្យ Inter ក្នុងលក្ខខ័ណ្ឌខ្ចីជើង ខណៈកាលពីរដូវកាលមុន គេត្រូវបាន Chelsea ទិញពី Inter ៕
ប្រភព៖ Sky Sport
