Gareth Bale អតីតខ្សែប្រយុទ្ធសេ្តចស Real Madrid បាននិយាយនៅក្នុងសន្និសីទកាសែតប្រកាសក្នុងនាមជាកីឡាកររបស់ក្លឹប Los Angeles កាលពីពេលថ្មីៗនេះថា Major League Soccer (MLS) មិនជាលីគចូលនិវត្តន៍នោះទេ ដោយគេនឹងលេងនៅទីនេះក្នុងរយៈពេលយូរ។
Bale បាននិយាយថា៖" ខ្ញុំមិនមកលេងទីនេះក្នុងរយៈពេលខ្លីនោះទេ។ ខ្ញុំគិតថាមកលេងទីនេះគឺអាចផ្ដល់ឱកាសឲ្យខ្ញុំបានច្រើនដើម្បីបន្តចូលរួមប្រកួតនៅ Euro ហើយយើងមិនដឹងមុនបាននោះទេ ប្រហែលខ្ញុំអាចចូលកម្មវិធីហ្នឹងបានម្ដងទៀត។ នេះជាគោលដៅខ្ញុំ។ ខ្ញុំមកទីនេះគឺដើម្បីចូលរួមចំណែកឲ្យបានច្រើន ហើយខ្ញុំពិតចង់ផ្ដើមមែនទែន "។
គួរបញ្ជាក់ថា Bale បានចុះកុងត្រាមកលេងឲ្យ Los Angeles រយៈពេល១ឆ្នាំ រហូតដល់ថ្ងៃទី៣០ ខែមិថុនា ឆ្នាំ២០២៣ខាងមុខ៕
ប្រភព ៖ Sky Sport
