ក្លឹប Atletico Madrid កំពុងតាមឃ្លាំមើលខ្សែបម្រើឆ្នើមសញ្ជាតិហូឡង់ Georginio Wijnaldum របស់ក្លឹបអ្នកមាន PSG សម្រាប់ទីផ្សារដោះដូរកីឡាករនារដូវក្តៅខាងមុខ ។
គួរបញ្ជាក់ថាខ្សែបម្រើសញ្ជាតិហូឡង់រូបនេះហាក់មិនសូវបង្ហាញទម្រង់លេងគួរអោយកត់សម្គាល់នៅឡើយ ។ ដោយគេទើបតែបង្ហាញខ្លួន ១៣ ប្រកួត នៅ Ligue 1 ប៉ុណ្ណោះ នៅរដូវកាលនេះ ក្រោមការដឹកនាំរបស់លោក Mauricio Pochettino ។
Wijnaldum បានចំណាយពេលជិត ១២ខែទៅហើយ សម្រាប់កិច្ចសន្យារយៈពេល ៣ ឆ្នាំនៅទីក្រុងប៉ារីសក៏ដោយ ប៉ុន្តែ Atletico កំពុងពិចារណាលើការផ្លាស់ប្តូរសម្រាប់កីឡាករវ័យ ៣១ ឆ្នាំរូបនេះ ។
At Madrid អាចនិងត្រៀមថវិកាប្រមាណជា ២០ លានអឺរ៉ូ ទៅ PSG សម្រាប់ការផ្ទេរខ្សែបម្រើរូបនេះ ។ លោក Diego Simeone អ្នកចាត់ការទូទៅ AT Madrid កំពុងព្យាយាមពង្រឹងតំបន់បម្រើរបស់គាត់ ខណៈកីឡាករ Hector Herrera គ្រោងនឹងបញ្ចប់ការផ្លាស់ប្តូរ ដោយគ្មានតម្លៃខ្លួនទៅកាន់ក្រុម Houston Dynamo របស់ MLS ៕
ប្រភព : Marca
