អតីតខ្សែការពារឆ្នើម Rio Ferdinand របស់បិសាចក្រហម Manchester United បានណែនាំអោយលោក Mikel Arteta អ្នកចាត់ការទូទៅរបស់កាំភ្លើងធំ Arsenal អោយនាំយកកីឡាកររបស់ Mancity មកជំនួស Aubameyang ។
គួរបញ្ជាក់អតីតខ្សែប្រយុទ្ធរបស់កាំភ្លើងធំ Arsenal គឺ Aubameyang ដែលបានទៅចូលរួមជាមួយក្លឹបអ្នកមានបុណ្យ Barcelona ក្នុងលក្ខខណ្ឌខ្ចីជើងនៅកំឡុងទីផ្សារដោះដូរខែមករាកន្លងទៅ ។ បន្ទាប់ពីបាត់បង់ Aubameyang តំបន់ប្រយុទ្ធរបស់ Arsenal ហាក់មិនមានភាពមុតស្រួចដូចមុនឡើយ ។
ដូច្នេះហើយ ពួកគេចាំចាប់ត្រូវតែស្វែងរកជម្រើសខ្សែប្រយុទ្ធថ្មី ដើម្បីមកបំពេញតួនាទីនេះវិញនៅទីផ្សាររដូវក្តៅខាងមុខ ។ លោក Ferdinand ក៏បានប្រាប់អោយក្លឹប Arsenal គួរតែព្យាយាមចុះហត្ថលេខាលើខ្សែប្រយុទ្ធថ្មី ជាមួយនឹងកីឡាករ Gabriel Jesus របស់ក្លឹប Man City ដែលជាជម្រើសដ៏ល្អបំផុតមួយ ។
សម្រាប់ស្ថិតិរបស់ Jesus នៅ Manchester City គឺស៊ុតបាន ៨៨ គ្រាប់ក្នុង ២២២ ប្រកួត និងបានជួយក្លឹបឈ្នះពានរង្វាន់ Premier League ៣ ដង EFL Cups ៣ដង និង FA Cup ចាប់តាំងពីផ្ទេរមកកាលពីឆ្នាំ ២០១៧ ៕
ប្រភព: Metro
