ក្លឹបបិសាចក្រហម Manchester United កំពុងសម្លឹងមើលអ្នកចាត់ការថ្មីពេញសិទ្ធរបស់ខ្លួន សម្រាប់រដូវកាលក្ដៅខាងមុខ ខណៈនៅពេលនេះមានលោក Ralf Rangnick អ្នកចាត់ការបណ្ដោះអាសន្ន ដែលនឹងធ្វើជាអ្នកប្រឹក្សាឲ្យក្លឹបនៅរដូវក្រោយ ។
សម្រាប់បេក្ខជនឈានមុខក្នុងការចូលមកជំនួសដំណែងលោក Ralf Rangnick មានដូចជា Mauricio Pochettino គ្រូបង្គោលរបស់ក្លឹបអ្នកមាន Paris Saint Germain ប៉ុន្តែនៅរយះចុងក្រោយនេះលោក Carlo Ancelotti ជាជម្រើសមួយដែល Manchester United កំពុងពិចារណា ។ ខណៈលោក Ancelotti ក៏មានទំនាក់ទំនងល្អជាមួយគ្រូតា Sir Alex និងថ្នាក់ដឹកនាំ Man Utd ផងដែរ ។
ក្រុមបិសាចក្រហមចង់បានបំផុតនោះគឺអ្នកចាត់ការដឹកនាំក្នុងរយៈពេលវែង ដូច្នេះបេក្ខជនដែលក្លឹបនេះនឹងគិតគូរបន្ទាប់គឺ លោក Erik Ten Hag គ្រូបង្គោល Ajax ដោយគ្រូបង្គោលរូបនេះត្រូវបានគេដឹងថាចង់មកដឹកនាំ Man Utd ដោយពេលនេះលោកកំពុងខំរៀនអង់គ្លេសដើម្បីត្រៀមទៀតផង ៕
ប្រភព : The Sun
