ក្លឹបតោខៀវ Chelsea កំពុងតាមឃ្លាំមើលខ្សែបម្រើវ័យក្មេងរបស់ Barcelona និងហ៊ានចំណាយលុយប្រមាណ ៥០លានអឺរ៉ូសម្រាប់កីឡាកររូបនេះបើគេសម្រេចចិត្តចាកចេញពីទឹកដី Camp Nou ។
បើតាមប្រភពសារព័ត៌មាន El Nacional បានបង្ហើបថាខ្សែបម្រើវ័យក្មេង Gavi បានបដិសេធសំណើររបស់ Barca ក្នុងការបន្តកុងត្រាថ្មី ដែលជាហេតុនាំអោយតោខៀវ Chelsea ត្រៀមកញ្ចប់ថវិកាសម្រាប់នាំរូបគេមកកាន់ទឹកដី Stamford Bridge ។
គួរបញ្ជាក់ថាកុងត្រារបស់ Gavi ជាមួយ Barcelona មានសុពលភាពដល់រដូវក្តៅ ២០២៣ ។ សម្រាប់ស្ថិតិរបស់ខ្សែបម្រើអេស្ប៉ាញរូបនេះ បង្ហាញខ្លួន ២៨ ប្រកួត រកបាន ២ គ្រាប់និង Assist ៣ លើក ៕
ប្រភព: El Nacional
