ក្លឹបញញួរដែក West Ham កំពុងត្រៀមចចារកុងត្រាថ្មីជាមួយខ្សែប្រយុទ្ធឆ្នើមរបស់ខ្លួន Jarrod Bowen នារដូវក្តៅខាងមុខ បន្ទាប់ពីហង្សក្រហម Liverpool ហាក់បង្ហាញការចាប់អារម្មណ៏លើរូបគេ ។ គួរបញ្ជាក់ថាខ្សែប្រយុទ្ធអង់គ្លេសរូបនេះ កំពុងបង្ហាញទម្រង់លេងគួរអោយកត់សម្គាល់ ទើបធ្វើអោយ Liverpool ចាប់អារម្មណ៏លើរូបគេ ។
Bowen ស៊ុតបញ្ចូលទីបាន ៧គ្រាប់ ក្នុង ៧ប្រកួតចុងក្រោយដោយគិតគ្រប់ពានរង្វាន់ទាំងអស់ ។ គួរបញ្ជាក់ថាកុងត្រា កីឡាកររូបនេះនៅសល់សុពលភាព ៣ឆ្នាំកន្លះទៀត តែដោយសារមានការចាប់អារម្មណ៏ពីក្លឹបផ្សេងទៀត ទើប West Ham ចង់ចចារកុងត្រាថ្មីជាមួយគេមុនក្លឹបដ៏ទៃយកគេទៅបាន ៕
ប្រភព : Evening Standard
